حبي نفسك

اول فتوكه

Administrator
ولما تيجي تتجوزي يابنتي أختاري الي والده صاين والدته علشان يعرف يصونك أنتي كمان ..
ما الواحد يابنتي بيعمل الي شافه ، سيبك من كل الكلام الي يتقال الكلام مابيعلمش لكن الي بيعلم الفعل ، وزي ما الابن بيشوف هايقلد ..
شاف أبوه شريك حياه هايكون ليكي شريك حياه لكن لو شاف أبوه بيهين أمه ومقلل منها يبقي يوم مايديكي شربة مياه هايبقي شاف نفسه عمل إنجاز ولسان حاله هايقول:
( امال لو كنت زي أبويا كان حصل ايه )

هايقارن نفسه بالنموذج السئ ، مش بالنموذج الحسن لأنه ماشافش النموذج الحسن من الأساس وبالتالي هايبقي هو شايف نفسه النموذج الحسن الي محصلش والي مافيش زيه في الوجود ....

حبي واتحبي لكن حبي نفسك وقوليلها كل يوم ( أنا أستحق )
أستحق شريك حياه ..
ماهو يابنتي كل الكائنات بتتزاوج وتخلف إلا الإنسان بيتزاوج ويخلف ويعمر ويبني ومافيش إيد بتعرف تبني لوحدها لكن إيد ع إيد تبني وتعمر وتقدم للدين والمجتمع إنسان سوي صالح يكون بالفعل خليفة الله في الأرض ..
اوعي تختاري زوج والسلام في يوم يابنتي ، أختاري شريك ، شريك ينجح شركتك و يكبرها مش ينزل أسهمها الأرض ويخسف بيها ..
لو الشريك مانجحش تبقي الشركة خسرانة يابنتي ...خسرانة أوي ...
#محسن_طاهر_القاهرة_1997
 
أعلى